- 08.02.2015
- 382 Просмотра
- 0 Комментариев
5-7 տարեկան երեխաները ժամանակ առ ժամանակ կարող են խոսել մահվան, ինքնասպանության եւ սպանությունների մասին՝ զարմացնելով եւ անհանգստացնելով իրենց ծնողներին: Որտեղի՞ց են ծնվում այդ մտքերը եւ արդյո՞ք դրանք մտահոգիչ չեն:
Հոգեբան Ռուբեն Աղուզումցյանի կարծիքով՝ նման մտքեր ունենալը «նորմալ չէ»: NEWS.am Medicine-ի թղթակցի հարցին ի պատասխան՝ հոգեբանը պարզաբանեց, որ երեխաներն ավելի ուշադիր են իրենց շրջապատի նկատմամբ եւ ավելի շատ բան են լսում ու հիշում: Նրա խոսքով՝ ժամանակակից երեխաները 3-4 տարեկանից սկսում են բավական ժամանակ անցկացնել հեռուստացույցի եւ համակարգչի առջեւ եւ այդտեղից ստանում են ավելի շատ ինֆորմացիա, քան մենք կարող ենք պատկերացնել: Բացի այդ, երեխաները սովորաբար ավելի շատ բան են հասկանում, քան մեզ թվում է: Աղուզումցյանի կարծիքով՝ սպանությունների եւ նման այլ երեւություների մասին երեխաները, որպես կանոն, իմանում են համացանցից կամ հեռուստատեսությունից:
Հոգեբանն ասաց նաեւ, որ շատ հաճախ երեխաների համար «ոչ պետքական» ինֆորմացիայի աղբյուր հանդիսանում են հենց նրանց ծնողները: Նրանց մեծ մասը սովորաբար երեխաների ներկայությամբ անում է այնպիսի արտահայտություններ, որոնք չարժեր անել: Երեխան այդ ամենը լսում եւ հիշում է, իսկ երբ կրկնում է ծնողների ներկայությամբ, նրանք զարմանում են, թե որտեղից է լսել դա:
Սոցիոլոգ Ահարոն Ադիբեկյանն էլ իր հերթին ուշագրավ մի դեպք պատմեց՝ հաստատելով հոգեբանի կարծիքը. Մի կին իր երկու տարեկան որդու ներկայությամբ կշտամբում է հեկեկացող նորածին դստերը՝ ասելով՝ «Սուս մնա, թե չէ գլուխդ կպոկեմ»: Կինը, բնականաբար, չի մտածում, որ երկու տարեկան երեխան կլսի ու կհիշի իր խոսքերը եւ ավելին՝ կհասկանա ուղիղ իմաստով… Բայց ահա մի օր, երբ մայրը տանը չի լինում, երկու տարեկան տղան մոտենում է լացող քրոջը եւ դանակահարելով սպանում նրան՝ կտրում է գլուխը: Այդ իսկ պատճառով հոգեբանները ծնողներին հորդորում են տալիս հնարավորինս զգույշ խոսել երեխաների ներկայությամբ:
Популярные темы
Будь-те первым, поделитесь мнением с остальными.