- 15.03.2015
- 2109 Просмотров
- 0 Комментариев
Այժմ շատ են տարածված նիհարեցնող դեղերը և բույսերը, որոնք խոստանում են ազատել անցանկալի կիլոգրամներից առանց որևէ ջանք գործադրելու: Բայց, ինչպես ասվում է, հեշտությամբ ոչինչ չի տրվում, և կատարյալ մարմին ունենալու նման գայթակղիչ միջոցը պետք է նախ մանրակրկիտ քննվի: Արդյո՞ք այն այդքան արդյունավետ է և անվտանգ:
Նիհարեցնող դեղերը կարելի է բաժանել երկու խմբի: Քիմիական բաղադրությամբ դեղերը պետք է նշանակվեն միայն դիետոլոգի կողմից, քանի որ ունեն մի շարք հակացուցումներ: Բուսական դեղերը կամ ակտիվ հավելումները կարելի է ձեռք բերել առանց բժշկի նշանակման: Սակայն այստեղ կա շատ կարևոր փաստ: Ակտիվ հավելումներն իրենցից ներկայացնում են վիտամինների և հանքային նյութերի կոմպլեքս, որոնք լրացնում են այդ նյութերի օրվա չափաբաժինը: Հրաշքներ նման միջոցներից պետք չէ ակնկալել:
Նույնիսկ եթե Դուք օգտագործել եք նմանատիպ միջոցներ և հասել որոշ արդյունքի, պետք է հասկանաք, որ դեղերը չեն ազդել ճարպային շերտի վրա: Նման դեղերը հիմնականում ունեն միզամուղ և թուլացնող հատկություններ, որոնք ստեղծում են թյուր տպավորություն:
Շատ ժամանակակից նիհարեցնող դեղեր պարունակում են հոգեմետ նյութեր, որոնք կախվածություն են առաջացնում: Կարելի է մեկընդմիշտ կախվածության մեջ ընկնել նման վնասակար դեղից, որը ոչ միայն չի նպաստում քաշի նվազեցմանը, այլև ազդում է Ձեր ինքնազգացողության վրա:
Նյութը ՝ Lady.am
Популярные темы
Будь-те первым, поделитесь мнением с остальными.