Блог

Այսօր՝ հունվարի 23-ին, Ռուսաստանի Մինվոդի քաղաքում ձերբակալել են հատուկ նշանակության զորքերի ռուս զինծառայող Դմիտրի Սիդորենկոյին սպանած հային՝ Միքայել Գրիգորյանին: Այս մասին հայտնում է «Ռոսբալտ» գործակալությունը: $CUT$

Համաձայն տեղեկատվության` ծեծկռտուքը սկսվել է Մինվոդիի կարաոկե բարերից մեկում՝ հունվարի 21-ին: Կռվել են հատուկ նշանակության զորքերի հինգ զինծառայողներ և մոտ 25 տեղացիներ: Վեճի արդյունքում սպանվել է Դմիտրի Սիդորենկոն: Ինչպես հայտնել են ռուս զինծառայողները և վկաները՝ վիճաբանությունն առաջացել է Գյումրիի ողբերգության մասին խոսակցությունից հետո: 

Մինվոդիի իրավապահ մարմինների աշխատակիցները բերման են ենթարկել 23-ամյա Միքայել Գրիգորյանին: Տեղեկատվություն կա, որ երիտասարդն արդեն ընդունել է իր մեղքը: 
Մեկ այլ հայ՝ Կարեն Թովմասյանը, ով, ինչպես փոխանցվում է, ևս մասնակցել է ծեծկռտուքին, մինչ այժմ չի հայտնաբերվել:

Սկզբնաղբյուր՝ http://shabat.am