Блог

Հավանաբար մեզանից յուրաքանչյուրը իր կյանքի ընթացքում գոնե մեկ անգամ հաճույքի համար փորձել է իր եղբոր կամ սիրելիի վերնաշապիկը: ՈՒ չնայած առկա նախապաշարմունքներին և հեգնանքին, նորաձևության աշխարհը միայն դրական արձագանք ունի այն հարցի նկատմամբ, թե արդյոք կանայք կարող են կրել տղամարդկանց վերնաշապիկներ: Normcore-ը հենց այն ոճն է, որին ամբողջությամբ համապատասխանում է այս յուրահատուկ հանդերձանքը: Ջինսի կամ շորտերի հետ կրելու դեպքում, ինչպես նաև ունենալով համապատասխան սանրվածք, տղամարդու վերնաշապիկը ձեր կերպարին կհաղորդի անկրկնելի եվրոպական ոճ:

 Ի դեպ, նորաձևության միտումները բոլորովին չեն պարտադրում ձեզ երիտասարդներից իրեր փոխ առնել: Այն ամենը, ինչ ձեզ հարկավոր է, արդեն կարված է առաջատար նորաձևության տների կողմից: Այսօր խանութներում վերնաշապիկների մոդելների մեծ ընտրություն կա: Իդեալական տարբերակը ուղիղ կամ իրանը պինդ գրկող վերնաշապիկ-զգեստն է, որը հանդիսանում է ոչ միայն կոմպլեկտի մի մաս, այլ նաև անկախ հանդերձանք: Եթե ​​դուք նախընտրում եք կանացի ոճի հագուստ, որն ընդգծում է պատկանելությունը գեղեցիկ սեռին, ընտրեք ժանյակով իրեր: Օրիգինալ և համարձակ կանանց դուր են գալիս աբստրակտ նկարներով ասիմետրիկ մոդելներ:

 Ի դեպ, վերնաշապիկ-զգեստը զգեստապահարանի ունիվերսալ տարր է, որը նպատակահարմար է կրել և´ գրասենյակում, և´ ընկերական շրջապատում, և´ նույնիսկ լողափին: Այս մոդելը հենց սկզբից էլ այդպես է եղել մտածված Կոկո Շանելի կողմից 1916թ.-ին, ով առաջարկել է այն իր աշխատակիցներին Առաջին համաշխարհային պատերազմի ընթացքում: Արդյունքում, արդեն խաղաղ ժամանակ խորհուրդ էին տրվում ուղիղ զգեստներ ցածր իրանով, որոնց հիմքում ընկած էր հենց վերնաշապիկ-զգեստը:

Արդեն կես դար չանցած Սեն Լորանի հավաքածուում առաջացավ A-ուրվագծով զգեստը և Մոնդրիանի աբստրակտ նախշերով մոդելը:

 Այսօր աղջիկների կողմից տղամարդու վերնաշապիկ կրելու շուրջ մտածում են աշխարհի առաջատար դիզայներները: Դա նշանակում է, որ մենք հնարավորություն ունենք ձեռք բերել հենց այն մոդելը, որը լավագույնս արտացոլում է մեր ներքին աշխարհը. վերնաշապիկ-զգեստներ կաշվե գոտիներով, ուլունքներով զարդարված կոնտրաստային օձիքներով, ուսերի հատվածում օվալ կտրվածքներով: Ժամանակակից ոճն առաջարկում է հագուստի մեծ բազմազանություն, այնպես որ ընտրությունը ձերն է:

Նյութի աղբյուրը ` Lady.am