Блог

Շատ տարօրինակ է, երբ ձեր մարմնի վրա պարբերաբար հայտնվում են կապտուկներ առանց որևէ տեսանելի պատճառի: Պարզվում է, որ կա ձեր խնդրի հնարավոր պատճառների մի ամբողջ ցուցակ, որն իմանալով կարելի է զգալի շտկել իրավիճակը: Ներկայացնենք կապտուկների առաջացման 7 հնարավոր պատճառները:

1. Դուք ունեք չափազանց բարակ մաշկ

Վերջիվերջո կապտուկը մաշկի տակ գտնվող մազանոթների վնասման հետևանքով առաջացած արյունահոսությունն է, ինչը տեղի է ունենում հարվածի կամ մաշկի վնասման արդյունքում: Եթե ձեր մաշկը բարակ է (օրինակ տարիքի հետ մեկտեղ այն բարակում է), ապա այն ավելի հեշտ է վնասվում: Հանդիպում են նաև մարդիկ, ովքեր բարակ մաշկ ունեն ի ծնե:

2. Ձեր մաշկը վնասվել է արևի ճառագայթներից

Արևային կամ արհեստական ուլտրամանուշակագույն ճառագայթները վնասում են մաշկը, որը կորցնում է իր առաձգականությունը և էլաստիկությունը, ինչը կարող է հանգեցնել զգայունության բարձրացմանը և կապտուկների ավելի հաճախակի առաջացմանը: Իսկ կապտուկները կդառնան ավելի տեսանելի:

3. Դուք ընդունում եք որոշակի դեղամիջոցներ

Ասպիրինը, ստերոիդները նվազեցնում են արյան մակարդելիության մակարդակը, ինչի արդյունքում ցանկացած հարված կամ վնասվածք առաջացնում է երկար արնահոսություն և կապտուկներ:

4. Դուք ծանրություն եք բարձրացնում

Նույնիսկ եթե դուք հազվադեպ եք ծանրություն բարձրացնում, ապա դա հանգեցնում է մաշկի միկրոսկոպիկ պատռվածքների, որոնք կապտուկների տեսք ունեն:

5. Ժառանգականություն

Եթե ձեր մայրը կամ հայրը ևս ամբողջ կյաքնի ընթացքում մշտապես ունեցել է կապտուկներ, ապա ամենայն հավանականությամբ ձեզ նույն բանն է սպասվում:

6. Դուք ունեք չափից գունատ մաշկ

Իրականում ձեր մաշկի բնական սպիտակությունը կապված չէ կապտուկների առաջացման հետ. ուղղակի նման մաշկի վրա յուրաքանչյուր վնասվածք կամ գույնի թեթև փոփոխություն ավելի պարզ է երևում, քան ավելի մուգ մաշկ ունեցող մարդկանց մոտ:

7. Դուք ունեք թաքնված հիվանդություն

Երբեմն կապտուկների հաճախակի և հեշտ առաջացումը վկայում է առողջական խնդիրների մասին: Օրինակ, այն կարող է կապված լինել արյան մակարդելիության կամ նույնիսկ լեյկիմիայի հետ: Վերջին պարագայում պետք է առկա լինեն նաև այլ տարօրինակ ախտանիշներ:

Ուստի, եթե դուք նախկինում չեք ունեցել կապտուկների հետ կապված որևէ խնդիր, ապա պարտադիր դիմեք բժշկի: