- 09.03.2015
- 718 Просмотров
- 0 Комментариев
Անկախ առիթից և իրավիճակից կինը պետք է լինի խնամված. դա վերաբերում է մազերին, դիմահարդարմանը, եղունգներին և, իհարկե, հագուստին: Անտեսել թվարկածներից որևէ մեկը նշանակում է թերանալ. Դուք կզգաք ձեզ անվստահ և կաշկանդված:
Սուրբ Վալենտինի նախաշեմին եկեք լսենք, թե ինչ են խոսում տղամարդիկ կնոջ արտաքինի մասին: Ի՞նչ է նրանց դուր գալիս և ինչպիսի՞ն կուզենային, որ լիներ իրենց սիրելին ժամադության ժամանակ:
Մազեր
Հարցվածներից գրեթե բոլորը պատասխանեցին, որ սիրում են երկար արձակած մազեր: Ալիքավոր և խուճուճ մազերն ավելի են գրավում տղամարդկանց. դա բնական գեղեցկության նշան է: Մազերը պետք է լինեն պարտադիր մաքուր և խնամված:
Դիմահարդարում
Հակառակ կանանց համոզմունքի, տղամարդիկ մեծ ուշադրություն են դարձնում դիմահարդարմանը, հետևաբար նկատում են թերությունները: Հարցվածները միահամուռ պատասխանեցին, որ չեն սիրում վառ և աչքի ընկնող դիմահարդարումը: Նախընտրելի է բնական գեղեցկությունը: Կարելի է ընդգել թարթիչները սևաներկով, իսկ շուրթերը՝ շատ նուրբ երանգով:
Եղունգներ
Եղունգների հարցում տղամարդիկ տարակարծիք են: Ոմանց դուր են գալիս վառ գույները, մյուսները նախընտրում են նուրբ երանգներ, բայց բոլորը միաձայն ընտրում են խնամված և միջին երկարության բնական եղունգներ:
Հագուստ
Ճաշակին ընկեր չկա: Եվ իսկապես, բոլորս ունենք մեր նախասիրությունները, սակայն ժամադրության պատրաստվելիս պետք է մոռանալ շատ աչքի ընկնող, ճչան հագուստի մասին: Այն կգրավի ոչ միայն Ձեր սիրելիի, այլ նաև շրջապատի մարդկանց ուշադրությունը: Եղեք էլեգանտ և կանացի:
Նյութի աղբյուրը՝ Lady.am
Популярные темы
Будь-те первым, поделитесь мнением с остальными.