Блог

Բացի “երջանկության հորմոն” լինելուց՝ պարզվում է, որ շոկոլադը նպաստում է մաշկի երիտասարդացմանը: Սև շոկոլադի բաղադրության մեջ մտնող ֆլավոնոլը դանդաղեցնում է օրգանիզմի ծերացումը: Ֆլավոնոլի օրական բավարար չափաբաժինը կօգնի Ձեզ պահպանել գեղեցկությունը երկար ժամանակով: Համենայնդեպս, այդպես են հաստատում բրիտանացի գիտնականները:

Հետազոտության շրջանակներում կամավորները բաժանվեցին 2 խմբի: Առաջին խմբի մասնակիցները երեք ամսվա ընթացքում օգտագործեցին ֆլավոնոլի մեծ պարունակությամբ սև շոկոլադ, իսկ մյուս խումբը` սովորական շոկոլադ: Արդյունքում պարզվեց, որ առաջին խմբի մասնակիցների մաշկը դարձել է ավելի պաշտպանված  ուլտրամանուշակագույն ճառագայթներից:

Ըստ գիտնականների` սև շոկոլադը նվազեցնում է մաշկի քաղցկեղի առաջացման հավանականությունը: Նման հատկությամբ օժտված է միայն սև դառը շոկոլադը:

Սև դառը շոկոլադն օգնում է անքնության և հոգնածության ժամանակ, ինչպես նաև կարգավորում է արյան շրջանառությունը:

Նյութի աղբյուրը՝ Lady.am